محشي ورق عنب بالحمص ،تذوق الطعم في ذهنك

محشي ورق عنب بالحمص

النهاردة طبقنا هو محشي ورق عنب بالحمص مذاق أكثر من رائع ويستحسن تناوله بالفاتلة الحملات نظرا للحرارة الزائدة التي ستصيبك أثناء تناوله

المقادير :

نصف كيلو ورق عنب
بصلة مفرومة
نصف كوب أرز
نصف كوب عصير ليمون
ملعقتين كبيرتين نعناع مفروم
٣ ثمرات طماطم.
حزمة بقدونس مفروم.
كوب حمص مسلوق
نصف كوب زيت زيتون
ملح و بهارات حسب الرغبه


ملاحظة : الكمية تكفي من 4- 6 أفراد
يجب نقع الأرز جيدا قبل البدء في الحشو على الأقل ربع ساعة.

الطريقة :

يتم خلط الارز مع نصف كمية الحمص و الطماطم و البصل و البقدونس و العصير و الزيت و الملح و البهارات، ويقلب هذا الخليط جيدا حتى يتداخل معا.

بعد ذلك يتم حشو ورق العنب بخليط الارز كما هو المعتاد،ثم يوضع فى وعاء الطبخ " حلة متوسطة"و يضاف اليه مقدار 3 اكواب مرقة.

بعد ذلك نأخذ الحلة بعد ان ضغط ورق العنب بكف اليد ضغطة بسيطة ونضع علي وجه المحشي باقي الحمص ويوضع على نار عالية حتى يتشرب تماما ثم تخفف درجة الحرارة حتى ينضج نهائيا.

يقدم في النهاية في طبق سرفيس كبير بعد أن يبرد قليلا وبالهنا والشفا، ويمكن تقديم سلطة الثومية أو الزبادي مع المحشي.

لكل عشاق الملوخية المصري الأصيلة طريقة جديدة جدا وهي ملوخية بالجمبري لاتقولي سوشي ولا بتاع مافيش احسن من الملوخية بالجمبري جرب وشوف.
نصيحة:هذه الاكلة مفيدة جدا لحديثي الزواج

المقادير:
نصف كيلو ملوخية ناشفة
كوبين ونصف مرق دجاج
ملح وفلفل
نصف كيلو جمبرى متوسط مقشر ومنظف
ملعقتان كبيرة زبد
أربعة فصوص ثوم
ملعقة صغيرة كزبرة جافة مطحونة

ملاحظة : سعر نصف كيلو الجمبرى لا يتعدى 20 جنيها للمتوسط ويمكن شراء حجم أصغر بسعر أقل ولكن يفضل المتوسط .

الكمية: تكفى أربعة أشخاص.

الطريقة:
تُقطف أوراق الملوخية من العيدان وتغسل وتنشف جيدا، ثم توضع فوق قطعة من القماش وتترك حتى تجف تماماُ، أو إذا كان لديكم ملوخية ناشفة جاهزة هذا أفضل فى استغلال الوقت.
تُفرم أوراق الملوخية حتى تصبح ناعمة، إذا استخدمت الملوخية المجمدة فيستحسن تركها فى درجة حرارة الغرفة حتى تتفكك.

بعد ذلك يُوضع المرق فى إناء على نار متوسطة حتى يبدأ بالغليان، ثم تُضاف الملوخية إلى المرق ويضاف الجمبرى، وتخفف الحرارة.

تُقلَّب الملوخية إلى أن تبدأ بالغليان، ثم ترفع بعيداً عن النار فى هذه الأثناء تضاف الكزبرة إلى الثوم وتدق فى الهون حتى يصير الخليط ناعماً.

يُسخن الزبد، ثم يضاف إليه خليط الثوم والكزبرة ويقلَّب حتى يصير لونه ذهبياً، بعد ذلك يُضاف خليط الثوم إلى الملوخية وتُقدم بالهنا والشفا مع أرز أبيض أو مع عيش محمص فقط على حسب رغبتكم.

كرواسون بأكثر من حشوة مختلفة

أقدم لكم اليوم الكرواسون بطريقة سهلة بأكثر من حشوة مختلفة وبمقادير بسيطة غير مكلفة،بدل ما بنروح نشتريه من أماكن ومختلفة وساعات مش بيكون ظازة وحلوة، لكن النهاردة هنعملهبأسهل طريقة علشان نضربه الصبح على الفطار او نأخده معنا في أ] مكان نروحه

المقادير :
أربعة أكواب دقيق
ملعقة صغيرة ملح
ملعقتان كبيرة سكر
ملعقتان كبيرة حليب بودرة
كوب زبد
بيضة واحدة
ملعقة ونصف صغيرة خميرة
كوب ونصف ماء دافئ
بيضة مخفوقة.
جبن بارمازان مبشور أو حلقات لوز للتزيين حسب الرغبة.

ملاحظة : الكمية تكفى من 4 – 6 أشخاص.
يمكن استخدام لبن بودرة أى نوع.
لا يفضل استخدام الخميرة الفورية ولابد أن تكون خميرة جافة عادية.

الطريقة:
يُخلط الدقيق مع الملح والسكر وحليب البودرة فى العجان الكهربائى على سرعة بطيئة، بعد ذلك يُضاف الزبد والبيض مع العجن على سرعة متوسطة.

تُذاب الخميرة بعد ذلك فى الماء الدافئ، ثم تُضاف تدريجياً للخليط السابق مع الاستمرار فى العجن حتى نحصل على عجين أملس وناعم.

يكور العجين ويوضع فى وعاء مدهون بقليل من الدهن ويُترك لمدة ساعة حتى يختمر.بعد أن يتخمر العجين يفرد العجين على سطح أملس مرشوش بقليل من الدقيق ويُقطع مثلثات متوسطة الحجم، ثم يُحشى حسب الرغبة (قطع شكولاته ، جبن شيدر ،زعتر مع زيت، هوت دوج " حسب رغبتكم.

تُلف العجينة بعد ذلك مع البدء بأعلى طرف للمثلث،ثم تُرص وحدات الكرواسون فى صاج فرن ثم تُترك ليتخمر مرة أخرى لمدة 45 دقيقة.ُ

يسخن الفرن على حرارة 200 درجة مئوية ، ثم تُدهن وحدات الكرواسون بالبيض المخفوق ويُمكن أن تُرش بجبن البارمازان المبشور (فى حالة حشوها بالجبن) أو بحلقات اللوز (فى حالة حشوها بالشكولاتة).

فى النهاية تُخبز فى الفرن لمدة 15 دقيقة حتى يحمّر سطحها، وتقدم بالهنا والشفا.

http://spreadsheets.google.com/ccc?key=0Aj1_bvfE79YIdHkwWmJDUmZrcTNjYXgwSGtiVVdYcFE&hl=en

موضوع عني بجريدة عين الأسبوعية عدد 10 ديسمبر 2009

لماذا لم تكن مصر نظيفة؟؟؟؟

سؤال بطرحه على نفسي كتير جدا هي ليه مصر وسخة والزبالة في كل حتة ،مع إن عندنا شركة أجنبية عريقة مسئولة عن الزبالة ،ومافيش أكتر من الزبالين في البلد،طيب ليه بقى مصر وسخة؟

أقولكم ليه:تعالوا نبتدي الحكاية

بعد ما خلصت الكورس اللي كنت بأخده في وسط البلد،وأنا نازل على السلم كنت بفكر في المواصلات يارب تكون فاضية في الوقت ده،فنزلت من العمارة كان تحت العمارة سوبر ماركت نفسي هفتني على كيس شبسي بالكباب وكيك تونكيز بالكريمة والشيكولاتة يعني واحدة واحدة ،فدخلت وجبت السبسي والكيك الواحدة والواحدة

أكلت الشبسي وبعد ما خلص مسكت الورقة في إيدي ،بعد كده حليت بالكيكتين وكانت جامدة جدا لسه جاية من المصنع طازة،فبعد ما أكلت مسكت الورق في إيدي وقولت إطلع ياض نظيف وإرمي الورق في الزبالة زي ما إتعودت وانا صغير،كنت وقتها في شارع رمسيس وكنت رايح للتحرير علشان أركب فيصل تحرير.

فضلت ماشي ماشي ماشي ،ايه ده مافيش صندوق زبالة خالص فمشيت كتير ومشيت،برده مافيش صندوق زبالة ،دي حاجة عرة أوي هأفضل ماسك الورق كده،طيب ما أرميه وخلاص أو أزنقه في كاوتش عربية أو أحشره في فتحة السور المخرومة اللي عند الإسعاف،لا برده هلاقي صندوق زبالة وأرميه.

أهو صندوق زبالة أهو الحمد لله يااااااااه أخيرا،روحت أرمي الورق وأنا بأرميه لاقيت الصندوق مخروم نت تحت فوقعوا على الأرض ،ده ايه الحط الزبالة ده

أخدت الورق تاني ومشيت ومشيت لحد ما لاقيت صندوق تاني الحمد لله ،التحرير فيه صناديق أهو علشان المتحف وسياحي بقى وبتاع إنما رمسيس عرة بتاع الغلابة اللي عند مسجد الفتح مش لاقيت حتة تلمهم فالتحرير أرقى بكتير طبعا،فلما رحت عند الصندوق التاني لاقيت مليان وبالة على الأخر لدرجة ان الزبالة اللي فيه خرجت بره الصندوق ووقعت على الأرض،إتعقد أكتر فأخدت الورق ومشيت ورحت أركب الميكروباص طبعا كالعادة الميكروباص بالحجز والضرب واللي ترمي إبنها يحجز الكنبة الورانية واللي ينط من الشباك ،عادي جدا دخلت وركبت بعد عناء طويل ولسه الورق في إيدي الحمد لله ده ثروة حد لاقي.

قعدت الحمد لله فبطلع الأجرة،كان الورق في إيدي فمش عارف ،فكان قدامي واحدي قاعد في وشي في الميكروباص ،فإديته الورق يمسكه على ما أطلع الأجرة ،فاخده مني فلااقيته بكل هدوء وبساطة و تناحة فظيعة بيرمي الورق من الشباك وبيعمل إزاي " أهو"عادي جدا!!!!!!!!! بتعمل إيه ياعم؟

رميت الزبالة مش انت إديتهم ليا أرميهم

أنا؟

أيوه قلتلي إمسك دول يعني إرميهم ،وانت عامل مشكلة ليه أكياس فاضية ولاإنت عايز تحتفظ بيها

لا ياسيدي مش هأحتفظ بيها بس مينفعش ترمي الورق كده في الشارع

لا والنبي هو البيه أجنبي ولا إيه

لا مش أجنبي بس ده غلط حضرتك

وكمان بتقلي حضرتك ياعم إنت رايق وفاضي

الركاب بقى صلوا على النبي ياجماعة ده كيس شبسي فاضي يعني وشوية ويتطير ويرح للزبالة لوحده

لم أقدر على التعليق؟؟

ملاحظة : محدش يقول قال يعني الواد هيعملي نظيف وبتاع لان أنا ببدأ بنفسي وبحاول أبقى نظيف وكل واحد يبدأ بنفس علشان البلد تبقى نظيفة.

أكرم سامي

تقرير عني في قناة العقارية